Лукашэнка і Мядзведзеў маглі пагаварыць пра Украіну
У панядзелак адбылася тэлефонная гутарка кіраўніка Беларусі з расійскім прэм'ер-міністрам.
Як адзначае БЕЛТА, яна адбылася на просьбу расійскага боку. Аляксандр Лукашэнка і Дзмітрый Мядзведзеў абмеркавалі "актуальныя пытанні інтэграцыі ў рамках Еўразійскага эканамічнага саюза, у тым ліку, у кантэксце эканамічных сувязяў з іншымі краінамі". Падчас гутаркі былі закранутыя таксама "іншыя пытанні, якія маюць узаемны інтарэс".
Можна меркаваць, што Лукашэнка і Мядзведзеў закранулі і "ўкраінскае пытанне". Нагадаем, нядаўна Беларусь на настойлівыя просьбы расійскага боку забараніла імпарт украінскай бульбы.
Фота — ria.ru, Instagram
