Краіны Балтыі абвінавацілі Беларусь у датычнасці да міграцыйнага крызісу
Мігранты на мяжы з Польшчай з боку Беларусі / БЕЛТА
Прэзідэнты Літвы, Латвіі і Эстоніі Гітанас Наўседа, Эгілс Левітс і Алар Карыс у сумесным звароце заявілі, што Беларусь датычная да міграцыйнага крызісу на мяжы краін ЕС, паведамляе ТАСС.
Прэзідэнты трох краін асудзілі дзеянні "рэжыму Аляксандра Лукашэнкі па выкарыстанні мігрантаў у палітычных мэтах" і заклікалі прыцягнуць афіцыйны Мінск да адказнасці за "гандаль людзьмі".
У сваёй заяве кіраўнікі Літвы, Латвіі і Эстоніі таксама выказалі падтрымку Польшчы па абароне знешніх межаў Еўрасаюза і выказалі занепакоенасць тым, як выконваюцца правы і забяспечваецца бяспека мігрантаў, "вымушаных парушаць мяжу ЕС".
Краіны Балтыі лічаць неабходным, каб ААН распачала пэўныя захады для развязання міграцыйнага крызісу, а ЕС і NATO ўзмацнілі дыпламатычныя меры ў краінах Блізкага Усходу, адкуль ідзе плынь нелегальнай міграцыі.
