Карагін: Ніхто не забараняе купляць мяса ў Бразіліі, перапрацоўваць і пастаўляць у Расію
Беларусь не панясе стратаў ад павелічэння экспарту прадуктаў у Расію.
Такое меркаванне выказаў у гутарцы з Еўрарадыё старшыня мінскага Саюза прадпрымальнікаў і працадаўцаў Уладзімір Карагін.
Беларусь павялічыць пастаўкі прадукцыі ў Расію, каб пакрыць дэфіцыт ад уведзенага эмбарга на шэраг прадукцыі з іншых краін. На думку Карагіна, да дэфіцыту ў крамах гэта не прывядзе.
Карагін: ”Гэта дадатковы штуршок для развіцця нашай мясной і малочнай галіны. Перспектыва — больш перапрацоўваць. Да таго ж, нам ніхто не забараняе набываць мяса ў Бразіліі, перапрацоўваць і пастаўляць у Расію. А гэта заробкі і дадатковыя месцы”.
Нагадаем, што ў адказ на еўрапейскія санкцыі Расія забараніла ўвоз прадуктаў з шэрагу краін. Забарона дзейнічае на пастаўкі ялавічыны, свініны, мяса птушкі, рыбы, сыроў, малака.
Фота — telegraf.by