Ігар Крывушэнка стаў галоўным трэнерам "Нафтана"
У Наваполацку дачакаліся прызначэння галоўнага трэнера / vk.com/fc_naftan
Ігар Крывушэнка стаў галоўным трэнерам "Нафтана". Кантракт падпісаны і ён ужо пачаў трэніроўкі, паведамляе football.by. Вядома, што на пасаду галоўнага трэнера прэтэндаваў і расіянін Сяргей Кір'якоў.
Наваполацкі "Нафтан" займае ў вышэйшай лізе чэмпіянату Беларусі па футболе 13-е месца. Яго галоўны трэнер Альберт Рыбак звольніўся ў пачатку верасня. Крывушэнка амаль да канца жніўня працаваў з БАТЭ, які займае 11-е месца, і сышоў "па пагадненні бакоў".
