Абавязкі галоўнага трэнера БАТЭ выконвае Іван Мігаль
![Іван Мігаль](/sites/default/files/styles/gallery_main/public/2024-08/4sb4zndsqt38igd3ogjcu6hhv4iyt63mcpua8iv8.jpeg.webp?itok=yDVXo7yC)
Іван Мігаль / fcbate.by
Абавязкі галоўнага трэнера ФК БАТЭ выконвае Іван Мігаль. У аўторак клуб аб'явіў, што Ігар Крывушэнка сышоў "па пагадненні бакоў". Пра яго адстаўку з неафіцыйных крыніц стала вядома яшчэ напярэдадні.
Мігаль у гэтым сезоне працаваў з БАТЭ-2, які выступае ў першай лізе. Разам з ім у штаб асноўнай каманды ўвайшоў Віталь Рагожкін. БАТЭ-2 будзе трэніраваць Арцём Канцавы з памочнікам Дзмітрыем Ліхтаровічам.
БАТЭ няўдала выступае ў чэмпіянаце Беларусі, займае ў турнірнай табліцы толькі 11-е месца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.