US Open пасля скаргі Bild прыбраў сцягі Беларусі і Расіі
Тэніс, ілюстрацыйнае фота
У Нью-Ёрку праходзіць адкрыты чэмпіянат ЗША па тэнісе (US Open) — адзін з чатырох турніраў Вялікага шлема. Усе гэтыя турніры пасля 24 лютага 2022 года адмовіліся ад дзяржаўнай сімволікі Расіі і Беларусі.
Тым не менш карэспандэнт Bild Себасцьян Кайзер заўважыў дзяржаўныя сцягі РФ і РБ. Сімволіка прысутнічала ва ўнутранай сістэме Асацыяцыі тэніса ЗША (USTA), якой карыстаюцца ўдзельнікі US Open і журналісты.
На старонках Данііла Мядзведзева і Андрэя Рублёва стаяў расійскі сцяг, каля імя Арыны Сабаленкі — чырвона-зялёны. Таксама ў сістэме быў даступны і пошук па краіне — Расія ці Беларусь. Агулам у адзіночным разрадзе US Open гуляюць 17 расіян і тры беларускі.
Кайзер звярнуўся з запытам у USTA. Амерыканская асацыяцыя адразу выдаліла дзяржсімволіку РФ і РБ. Іх з'яўленне патлумачылі памылкай супрацоўніка, які загрузіў састарэлы файл.
Ва USTA запэўніваюць, што ўнутраная сістэма ніяк не звязаная са знешнім сайтам турніру, а там дзяржсімволікі РФ і РБ няма.
