Гурт "Разбітае сэрца пацана" выдаў альбом пра турму ў Жодзіне
Гурт "Разбітае сэрца пацана" выпусцілі новы альбом "Шанс/OFF". Ён прысвечаны суткам, якія музыкі правялі ў жодзінскай турме.
У 2021-м музыкі разам з гледачамі былі затрыманыя падчас канцэрту. Усе ўдзельнікі РСП тады атрымалі па 15 сутак арышту.
У зняволенні Дзяніс Тарасенка напісаў восем вершаў, а Павел Гарадніцкі — музыку да іх. Як кажуць самі музыкі, альбом склалі "песні пра побытавыя моманты зняволення, пра тугу па любімых і блізкіх, пра доўгачаканыя шпацыры, яркае сонца скрозь краты".
Слухаць ужо можна на сэрвісе Apple.Music.
