Глод: для мяне нацыянальная ідэя — ліберальная Беларусь як частка Еўропы
12 ліпеня ў эфіры Еўрарадыё — палітычны аналітык Цэнтра аналізу еўрапейскай палітыкі (ЗША), магістарка па еўрапейскай палітыцы Універсітэта Сасекса (Вялікабрытанія) Кацярына Глод.
Беларускае грамадства прадэманстравала сваю сталасць — здольнасць прымаць рашэнні і браць на сябе адказнасць. Мы можам самі абраць кірунак і шлях, якім будзем рухацца далей. І тое, якую краіну мы пабудуем, на якіх прынцыпах, — усё гэта беларусы здольныя вырашыць шляхам дыскусіі і абмеркавання. Мы гэта можам. Галоўнае цяпер — вярнуць сабе права самім прымаць рашэнні, перакананая Кацярына Глод.
Пра тое, ці важна, на якім гістарычным і культурным падмурку будуецца Новая Беларусь, як нам паразумецца ў выбары шляхоў развіцця, мы і разважаем у праграме “Ідэя Х” з Кацярынай Глод.
Набыць кнігу "Беларуская нацыянальная ідэя" (PDF) можна тут
Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.
Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?
На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.
Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.
Праграма выходзіць штотыдзень у панядзелак і чацвер у 14:00.
Партнёры праграмы — крама з нацыянальным каларытам Symbal.by і грамадская кампанія "Годна".
Папярэднія выпускі праграмы "Ідэя Х" можна глядзець тут:
