ФСБ патрабуе ў "Яндэкса" ключы шыфравання перапіскі карыстальнікаў
ФСБ запытала ключы шыфравання "Яндэкс.Пошты" і "Яндэкс.Дыска", піша РБК. Гэтыя ключы могуць даць доступ да пароляў карыстальнікаў усёй экасістэмы "Яндэкса".
Паведамляецца, быццам кампанія адмаўляецца перадаваць ключы шыфравання. Раней за аналагічную адмову ў Расіі быў заблакаваны Telegram.
У прэс-службе "Яндэкса" не сталі адказваць на пытанне пра тое, ці сапраўды кампанія атрымала патрабаванне ад ФСБ выдаць ключы шыфравання.