Фотафакт: Партыя БНФ правяла пікет каля кінатэатра "Кастрычнік" у Мінску
![Фотафакт: Партыя БНФ правяла пікет каля кінатэатра "Кастрычнік" у Мінску](/sites/default/files/styles/gallery_main/public/2023-08/01_yanukevich.jpg.webp?itok=Oa9DdzCI)
У аўторак, 5 ліпеня, Партыя БНФ правяла пікет каля кінатэатра "Кастрычнік" у Мінску. На ім збіралі подпісы за вылучэнне кандыдатам у дэпутаты Палаты прадстаўнікоў старшыні партыі Аляксея Янукевіча.
Як інфармуе БелаПАН, ён балатуецца па 92-й Аўтазаводскай выбарчай акрузе. Паводле слоў Янукевіча, ужо зарэгістравана 18 ініцыятыўных груп чальцоў Партыі БНФ і гэтая колькасць не канчатковая.
Як паведамляла Еўрарадыё, на парламенцкія выбары, якія пройдуць 11 верасня, Партыя БНФ ідзе самастойна са сваёй перадвыбарнай платформай. Яна адмовілася ад удзелу ў кааліцыях з іншымі прадстаўнікамі апазіцыі.
Фота: БелаПАН