Фотафакт: Кампосцеры ў аўтобусах прыбралі, а валідатары не працуюць
У мінскіх аўтобусах пачалі прыбіраць старыя механічныя кампосцеры, бо сталічны транспарт пераходзіць на электронныя.
Але ў некаторых аўтобусах, прыбраўшы старыя кампосцеры, не ўключылі новыя. На ўвесь салон — толькі адзін кампосцер каля кабіны кіроўцы.
На вачах карэспандэнта Еўрарадыё людзі спрабавалі прабіць талон, але ў іх гэта не атрымоўвалася. Даводзілася тлумачыць, што гэта можна зрабіць у пачатку салона, дзе пакінулі адзін стары кампосцер.
Фотаздымкі зробленыя на канцавым прыпынку аўтобуса. Але калі ў салоне шмат людзей, то дабрацца да пярэдніх дзвярэй праблематычна.
