Фестывалю Lidbeer сёлета не будзе
Лідскі замак / Wikimedia
Сёлета ў Лідзе не будзе традыцыйнага фэсту Lidbeer, піша Hrodna.life.
Замест яго на дзень горада 31 жніўня зладзяць "ХарчФэст".
Сваю назву "Харчфэст" атрымаў таму, што ў свяце прымуць удзел прадстаўнікі харчовай прамысловасці: Лідскі малочнакансервавы камбінат, "Лідскае піва", "Лідахлебапрадукт", "Лідскія харчаканцэнтраты", "Белсалттрэйд", Гродзенскі мясакамбінат, Лідскі хлебазавод.
У праграме свята плануюцца фудкорты, канцэрты кавер-гуртоў, тэматычныя лакацыі і феерверк. А таксама абяцаюць шмат кукурузных палачак "Хрумсцік".
