Экс-загадчыцу кафедры магілёўскай ВНУ вінавацяць за антываенныя допісы

Следчы камітэт / Следственный комитет / sb.by

Следчы камітэт / sb.by

У Магілёве пачалі крымінальную справу на 47-гадовую загадчыцу кафедры адной з мясцовых ВНУ, паведамляе Следчы камітэт.

У сакавіку-красавіку 2022 года, як заяўляюць следчыя, жанчына на сваёй старонцы ў адной з сацсетак публікавала антываенныя допісы: "Не саромеючыся ў сваіх выказваннях у адносінах да беларусаў, рускіх і ваеннаслужачых, дама заклікала да дзеянняў, звязаных з гвалтам і прычыненнем ім шкоды". На гэта звярнулі ўвагу мясцовыя кадэбісты.

Паведамляецца, што жанчына амаль 20 гадоў адпрацавала ў адной з магілёўскіх ВНУ, мае навуковую ступень.

У яе дома прайшлі ператрусы, канфіскавалі камп'ютарную тэхніку і мабільныя прылады. Следчыя правялі допыты сваякоў.

Жанчыне выставілі абвінавачанне па ч. 1 арт. 130 (наўмысныя дзеянні, накіраваныя на ўзбуджэнне нацыянальнай і іншай сацыяльнай варожасці і варожасці па прыкмеце нацыянальнай і іншай сацыяльнай прыналежнасці) Крымінальнага кодэкса. Выкладчыцу ВНУ ўзялі пад варту.

Праваабаронцы кажуць, што гаворка ідзе пра кандыдата біялагічных навук Наталлю Мартусевіч, дацэнта Магілёўскага дзяржуніверсітэта імя Куляшова. Жанчыну затрымалі ў сакавіку 2023 года.

За апошні час гэта не адзіны прыклад пераследу сярод навукоўцаў Магілёва. У студзені быў затрыманы прафесар, доктар сацыялагічных навук Юрый Бубнаў. Яго асудзілі на 2 гады калоніі за навуковы артыкул, у якім разглядаліся пратэсты 2020 года.

Flowers Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі