Брытні Спірс зноў прапанавалі зняцца ў серыяле

Прадзюсары амерыканскага серыяла How I Met Your Mother зноў запрасілі спявачку Брытні Спірс для ўдзелу ў праекце. Яе з'яўленне ў адной з серый прыцягнула дадатковыя 2,2 мільёна тэлегледачоў.

Паводле даследавання кампаніі Nielsen Media Research, дзякуючы ўдзелу Спірс у эпізодзе серыяла яго прагледзелі ў мінулым месяцы больш за 10 мільёнаў гледачоў пры сярэднемесячных паказчыках у 7,8 мільёна.

Паводле паведамлення Reuters, з'яўленне скандальнай спявачкі, якая выканала ў эпізодзе ролю адміністратара прыёмнай дэрматалагічнай клінікі, выклікала таксама дадатковыя ацэнкі крытыкаў.

Крыніца выдання TVGuide паведаміла, што рашэнне Брытні Спірс залежыць ад яе графіку.

Дадам, што для Спірс з'яўленне ў камедыйным серыяле How I Met Your Mother стала першым з'яўленнем у прайм-тайме з 2006 года - тады яна таксама знялася ў серыяле.

Фота: www.nydailynews.com