Брастаўчаніна затрымалі за "намер уступіць у полк Каліноўскага"
![Раман Яхін / "Белсат"](/sites/default/files/styles/gallery_main/public/2023-08/jachin-1704.jpg.webp?itok=JcM17d9_)
Раман Яхін / "Белсат"
Сілавікі затрымалі брастаўчаніна за "намер выехаць ва Украіну і ўступіць у полк Каліноўскага". Відэа з затрыманым з'явілася на тг-канале, блізкім да сілавікоў, піша "Медыязона".
Гаворка ідзе пра Рамана Яхіна — экс-вязня, які ў 2021 годзе быў асуджаны па палітычных матывах на два гады "хатняй хіміі". Яму інкрымінуюць уваходжанне ў экстрэмісцкае фармаванне (частка 3 артыкула 361-1 КК). Менавіта такім фармаваннем беларускія ўлады прызналі полк Каліноўскага, які абараняе Украіну.
Паведамляецца, што ў кватэры Яхіна сілавікі выявілі "прадметы аммуніцыі", сапёрную рыдлёўку, нажы, бейсбольную біту, сякеру і "бчб-сімволіку".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.