"Белавія" прыпыняе палёты ў сем расійскіх гарадоў
"Белавія" з 18 сакавіка да 1 траўня прыпыняе палёты ў сем расійскіх гарадоў. Гэта — Варонеж, Краснадар, Казань, Ніжні Ноўгарад, Растоў-на-Доне, Сочы і маскоўскі аэрапорт Жукоўскі. "У сувязі з прыпыненнем міжнародных авіяцыйных перавозак у шэрагу краін з-за сітуацыі з каранавірусам", — паведамляе пра прычыну прэс-служба авіякампаніі.
Як вядома, з бліжэйшай серады Расія закрывае свае межы для замежнікаў, у тым ліку і для беларусаў.
Днямі "Белавія" прыпыніла да канца сакавіка палёты ў Польшчу, Украіну і Кіпр, а таксама ў Рыгу і Кішынёў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
