Беларусы цікавяцца, пры якой тэмпературы замярзае гарэлка
Названыя самыя папулярныя навагоднія напоі ў беларусаў. Напярэдадні Новага года найчасцей з алкагольных напояў яны шукаюць у інтэрнэце віно і гарэлку.
Пра гэта паведамілі ў прэс-службе расійскай кампаніі "Яндэкс", якая склала рэйтынг самых папулярных "навагодніх" напояў на аснове аналізу пошукавых запытаў беларускіх карыстальнікаў.
На першым месцы аказалася віно, на другім — гарэлка, на трэцім — розныя алкагольныя кактэйлі. Беларусаў таксама цікавяць у інтэрнэце віскі і піва. За імі ў парадку змяншэння папулярнасці ідуць каньяк, шампанскае і марціні. Замыкаюць рэйтынг ром і тэкіла.
Паводле звестак "Яндэкса", у запытах пра спіртное беларускія карыстальнікі часцей за ўсё цікавяцца рэцэптамі алкагольных напояў, пытаюцца, як і з чым ужываць напоі, а таксама задаюць тэарэтычныя пытанні, напрыклад, пры якой тэмпературы замярзае гарэлка, інфармуе БЕЛТА.
