Беларускія вайскоўцы нарэшце знайшлі свой беспілотнік
Яго згубілі пры правядзенні палётаў ўвечары 10 ліпеня ў Бярозаўскім раёне.
Аб'ява пра гэта са здымкам апарата і абяцаннем ўзнагароджання за знаходку з'явілася ў раённай газеце "Маяк". Верагодна, вайскоўцы страцілі апарат "Іркут-3". Паведамлялася, што ён можа каштаваць мільён долараў.
Да пошукаў прыцягвалася міліцыя. Не выключалася, што беспілотнік мог знайсці хтосьці з мясцовых жыхароў ды прысабечыць. Як інфармуе БелаПАН, апарат хтосьці знайшоў і прынёс. Іншыя падрабязнасці Мінабароны не агучвае.
Фота — "Маяк", belvpo.com