Беларускія парламентары сустрэліся з камісіяй Савета Еўропы

27 чэрвеня дэлегацыя Нацыянальнага сходу Беларусі сустрэлася з ізноў абраным старшынёй камісіі ПАСЕ па палітычных пытаннях і дэмакратыі Б'ёрнам фон Сідавым, паведамляе БЕЛТА.

Сустрэча адбылася па выніках паседжання камісіі ПАСЕ па палітычных пытаннях і дэмакратыі. Удзел у паседжанні прымала беларуская парламенцкая дэлегацыя. У яе ўвайшлі старшыня Пастаяннай камісіі Палаты прадстаўнікоў па міжнародных справах Мікалай Самасейка і старшыня Пастаяннай камісіі Палаты прадстаўнікоў па дзяржаўным будаўніцтве, мясцовым самакіраванні і рэгламенце Аляксандр Зазуля.

Гаворка ішла пра тое, каб зрабіць кантакты паміж беларускімі парламентарамі і палітычнай камісіяй ПАСЕ рэгулярнымі. Таксама абмяркоўвалася ўдасканаленне беларускага заканадаўства.

На фота svaboda.org — дэпутат Самасейка