Беларусь афіцыйна далучылася да культурнай палітыкі Еўропы

Міністр культуры Барыс Святлоў адзначыў, што гэта — галоўны дакумент, які вызначае стратэгію дзяржавы ў сферы культуры і культурнай спадчыны. Паводле слоў Святлова, выданне кнігі на беларускай мове "азначае далучэнне рэспублікі да еўрапейскіх каштоўнасцяў і прынцыпаў, якія з'яўляюцца асновай для стабільнага існавання і развіцця грамадства", інфармуе БЕЛТА.


Нагадаем, "Белая кніга па міжкультурным дыялогу" была зацверджаная міністрамі замежных спраў краін-сябраў Савета Еўропы ў Страсбургу ў 2008 годзе. Яе ідэя ў тым, што міжкультурны дыялог базуецца на такіх каштоўнасцях, як дэмакратыя, правы чалавека і вяршэнства закону. Беларуская мова стала 25-й мовай, на якую пераклалі дакумент.


Беларускамоўнае выданне выйшла маленькім накладам — 100 асобнікаў. Кнігу перададуць у мясцовыя органы ўлады і ў Савет Еўропы.
 

Апошнія навіны

Галоўнае

Выбар рэдакцыі