Базавая велічыня ад заўтра расце адразу на 5 рублёў

Урад паднімае базавую велічыню адразу на 5 рублёў. З 1 студзеня 2023 года яна будзе роўнай 37 рублям.

Пра гэта вядзецца ў пастанове Савета міністраў Беларусі, апублікаванай на Нацыянальным прававым інтэрнэт-партале 31 снежня.

У 2022 годзе базавая велічыня складала 32 рублі. Адпаведна, ад заўтра яна вырасце адразу на 15,6%.

Што ад гэтага змяняецца? Да базавай велічыні прывязаныя сацыяльныя выплаты, стыпендыі, зборы і, што важна, штрафы. Рэпрэсіі ў Беларусі толькі ўзмацняюцца. А за 2023 год улады збіраюцца сабраць у бюджэт рэкордную суму штрафаў — на 43% больш, чым сёлета.