У Міністэрстве ЖКГ сказалі, чаму ўладальнікі катоў не плацяць падатак
Кот, ілюстрацыйнае фота / wcf-bestcat.de
Уладальнікі катоў у Беларусі не плацяць падатак на хатнюю жывёлу ў адрозненне ад уладальнікаў сабак. Прычыну гэтага намесніца начальніка ўпраўлення жыллёвай гаспадаркі Міністэрства жыллёва-камунальнай гаспадаркі Надзея Сяўрук патлумачыла ў каментары дзяржаўнафму інфармагенцтву БЕЛТА.
"У першую чаргу тут ідзе ўзаемаўвязка з добраўпарадкаваннем і прыборкай тэрыторыі. Сёння падатак не з'яўляецца мэтавым. Ён проста паступае ў мясцовы бюджэт, які сам вырашае, куды яго размеркаваць", — сказала чыноўніца.
Сяўрук сцвярджае, што ўладальнікі становяцца больш адказнымі і ўсё часцей рэгіструюць сваіх гадаванцаў.
