Асуджаны ў Чэхіі да 30 гадоў турмы лекар планаваў уцёкі ў Беларусь
![Асуджаны ў Чэхіі да 30 гадоў турмы лекар планаваў уцёкі ў Беларусь](/sites/default/files/styles/gallery_main/public/2023-08/460899-original1-hywxj.jpg.webp?itok=k82yo4kM)
Асуджаны ў Чэхіі да 30 гадоў турмы лекар планаваў уцёкі ў Беларусь. У Мінску Яраслаў Бартак збіраўся папрасіць палітычнага прытулку, інфармуе Радыё Свабода.
Бартак паспеў адсядзець тры гады зняволення паводле абвінавачання ў згвалтаванні сваіх асістэнтак і вымаганні. Знаходзячыся за кратамі, ён, з дапамогай людзей на волі, спрабаваў арганізаваць свае ўцёкі. Аднак справу выкрылі. Высветлілася таксама, што з турмы Яраслаў Бартак планаваў тры забойствы з мэтай помсты. Таксама ён шантажаваў і вымагаў грошы на ўцёкі яшчэ ў трох іншых чалавек.
За ўсе гэтыя злачынствы суд чэшскага горада Лібэрэц асудзіў Яраслава Бартака на 18 гадоў зняволення. З улікам ужо адседжаных трох гадоў паводле папярэдняга прысуду, яму застаецца прабыць у турме яшчэ 27. Адзначым, што цяпер Бартаку 57 гадоў.