Вы тут

Апублікаваны ўказ пра адстаўку Лідзіі Ярмошынай

Лідзія Ярмошына / Еўрарадыё

На нацыянальным прававым інтэрнэі-партале з'явіліся ўказы пра адстаўку экс-старшыні Цэнтрвыбаркаму Лідзіі Ярмошынай і былога кіраўніка Віцебскай вобласці Мікалая Шарстнёва

Ва ўказе пра Ярмошыну гаворыцца: "Вызваліць Ярмошыну Лідзію Міхайлаўну ад пасады старшыні Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў у сувязі з выхадам у адстаўку".

Аналагічная фармулёўка — і ва ўказе пра Шарстнёва. 

Гучныя кадравыя перастаноўкі Аляксандр Лукашэнка правёў напярэдадні. Новым кіраўніком ЦВК прызначаны былы міністр адукацыі Ігар Карпенка. Магілёўскай вобласцю кіраваць будзе намеснік старшыні Савета Рэспублікі Анатоль Ісачанка, Віцебскай — былы віцэ-прэм'ер Аляксандр Субоцін. Экс-кіраўнік Магілёўшчыны Леанід Заяц прызначаны ў Савет Рэспублікі. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.