У Браславе закрылі басейн, які ўрачыста адкрылі 7 лістапада
"Драйв" у Браславе / braslav-star.by
7 лістапада ў Браславе адкрылі фізкультурна-аздараўленчы комплекс "Драйв".
Адкрыццё адбылося з урачыстасцямі. У цырымоніі прыняў удзел кіраўнік адміністрацыі Лукашэнкі Ігар Сергеенка.
А ўжо 11 лістапада дзяржаўная раённая газета паведаміла, што комплекс часова зачыняецца. Прычынай назвалі "планавыя кантрольныя мерапрыемствы па наладцы сістэмы вентыляцыі". Пра дату аднаўлення працы паабяцалі паведаміць асобна.
