Адвакатку, якая абараняла студэнтаў у 2020-м, пазбавілі ліцэнзіі
![Адвакацкая калегія / grodnoplustv.by, ілюстрацыйнае фота](/sites/default/files/styles/gallery_main/public/2023-09/advakaty-0109.jpg.webp?itok=9pOovt-P)
Адвакацкая калегія / grodnoplustv.by, ілюстрацыйнае фота / Адвакацкая калегія / grodnoplustv.by
Міністэрства юстыцыі пазбавіла ліцэнзіі яшчэ пяць адвакатаў, паведамляе прэс-служба ведамства. Рашэнне было прынятае 31 жніўня.
Яўгена Ляўковіча і Алену Халупку выключылі з адвакацкіх калегій, абвінаваціўшы ў "правінах, не сумяшчальных са званнем адваката". Сяргей Мядзведзеў, Ларыса Суслікава і Міхаіл Тарасюк засталіся без ліцэнзій, бо не прайшлі атэстацыю "з прычыны недастатковай кваліфікацыі".
Алена Халупка ў 2020 годзе выступала абаронцай мінімум на пяці судах па справах студэнтаў, якіх адлічвалі з ВНУ па палітычных матывах.
Пераслед адвакатаў па палітычных матывах працягваецца ўжо некалькі гадоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.