Вы тут

З'явілася відэа, як сілавікі са шчытамі не пускаюць мігрантаў назад у Беларусь

Мігранты на нейтральнай паласе / кадр з відэа

Літоўскае выданне 15min.lt апублікавала відэа з мігрантамі на памежнай паласе паміж Беларуссю і Літвой. Відэа знятае з літоўскага боку. На ім бачна, што мігрантаў не пускаюць у Літву, а з боку Беларусі — адганяюць нейкія сілавікі са шчытамі.

Хтосьці з мігрантаў звяртаецца да людзей са шчытамі. Але беларускі сілавік паказвае ў бок літоўскай мяжы: "Ну, што стаім? Давай, наперад! Туды. Ідзем. Ну, вядома, туды ідзем. Чаго стаім?"

Як піша літоўскае выданне, мігранты ў такім атачэнні часам стаяць паміж памежных слупоў па некалькі гадзін, а то і даўжэй за суткі.

Літва 3 жніўня вырашыла вяртаць мігрантаў у Беларусь. У адказ 5 жніўня Аляксандр Лукашэнка заявіў, што не пусціць ніводнага мігранта назад у Беларусь. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.