Зяленскі вярнуў Кучму ў мінскія перамовы наконт Данбаса
![Зяленскі вярнуў Кучму ў мінскія перамовы наконт Данбаса](/sites/default/files/styles/gallery_main/public/2023-08/kuczma-0306.jpg.webp?itok=zlgyzaSt)
Леанід Кучма зноў будзе прадстаўніком Украіны на перамовах трохбаковай кантактнай групы ў Мінску. Пра гэта прэзідэнт Украіны Уладзімір Зяленскі заявіў на брыфінгу 3 чэрвеня, перадае Громадське.
Найбліжэйшая сустрэча кантактнай групы прызначаная на 5 чэрвеня.
Каментуючы сваё вяртанне на перамовы, Кучма заявіў: "Я ў гэты час не мог не пагадзіцца на такую прапанову, бо Украіна перажывае нялёгкія лічбы ў гісторыі. Я прывык у сваім жыцці прымаць рашэнні, выконваць іх і адказваць за іх".
Леанід Кучма пакінуў трохбаковую кантактную групу па ўрэгуляванні сітуацыі на Данбасе 2 кастрычніка 2018 года. Пасля яго Украіну на перамовах прадстаўляў экс-прэм'ер і былы міністр абароны Яўген Марчук. 19 траўня ён пакінуў пасаду прадстаўніка Украіны. Таксама з пасады ўпаўнаважанага прэзідэнта па мірным урэгуляванні сітуацыі ў Данбасе і прадстаўніцы Украіны ў гуманітарнай падгрупе ў Мінску сышла віцэ-спікерка Вярхоўнай Рады Ірына Герашчанка.