Золатавалютныя рэзервы Беларусі зменшыліся за месяц на 84 млн долараў
На 1 чэрвеня яны склалі 5 млрд 395 млн 600 тысяч долараў.
Нацбанк адзначае, што гэтыя падлікі выкананыя ў адпаведнасці з метадалогіяй Міжнароднага валютнага фонда. У нацыянальным вызначэнні аб'ём золатавалютных рэзерваў у траўні скараціўся на 3 млн 100 тысяч долараў і на пачатак лета яны складалі 6 млрд 91 млн 200 тысяч долараў.
Адзначаецца, што на зніжэнне золатавалютных рэзерваў паўплывала аплата ўрадам і Нацбанкам знешніх і ўнутраных абавязацельстваў у замежнай валюце ды змяншэнне кошту золата на міжнародным рынку каштоўных металаў.
Фота — ria.ru
