Знакаміты бык на Уол-стрыт у Нью-Ёрку пацярпеў ад рук вандала
Знакамітая статуя быка на Уол-стрыт у Нью-Ёрку пацярпела ад рук вандала. Як паведамляе meduza.io са спасылкай на замежныя СМІ, паліцыя затрымала зламысніка — гэта мужчына на імя Тэван Варлак з Тэхаса. Ён колькі разоў ударыў па статуі металічным прадметам і пакінуў умяціны і драпіны каля правага рога скульптуры.
Вандалу таксама могуць выставіць абвінавачанні ў незаконным захоўванні зброі.
Скульптура “Бык атакуе” была створаная скульптарам Артура дзі Модзіка. Статую быка паставілі ля будынка Нью-Ёркскай фондавай біржы ў 1989 годзе. Цяпер яе ўважаюць за сімвал Уол-стрыт.
Раней вандалы таксама замахваліся на бронзавага быка — у 2017 годзе статую аблілі фарбай.