Змяніліся расклады грамадскага транспарту, які ходзіць у мінскі аэрапорт

Змяніліся расклады грамадскага транспарту, які ходзіць у Нацыянальны аэрапорт Мінск. З 15 траўня павялічылася колькасць рэйсаў аўтобусаў і маршрутак.

На сайце аэрапорта яшчэ стары расклад, а вось на сайце прадпрыемства "Сталічны транспарт і сувязь" ён ужо абноўлены. Напрыклад, маршрутак № 1400 (аўтавакзал "Цэнтральны" — Нацыянальны аэрапорт "Мінск" праз станцыю метро "Уручча") было 24 за дзень, а стала 26.

Змены звязаныя з пераходам працы аэрапорта на вясенне-летні рэжым.