Земан прапануе ўвесці войскі NATO пры захопе Расіяй новых зямель ва Украіне
Заходнія краіны павінны будуць распачаць сур'ёзныя дзеянні, калі Расія паспрабуе захапіць новыя тэрыторыі Украіны.
З такой заявай выступіў прэзідэнт Чэхіі Мілаш Земан, перадае РБК. Па яго словах, трэба рыхтавацца нават да адпраўкі войскаў NATO.
"Я ніякі не баявы ястраб, але спроба захопу ўсходніх тэрыторый Украіны — гэта для мяне тая рыса, якую нельга пераступаць. Але калі яна будзе пяройдзеная, я з мірнага голуба ператваруся ў чалавека, які заклікае да самых строгіх санкцыяў", — заявіў прэзідэнт Чэхіі.
Фота — talks.su
