Зборная Іспаніі выйграла Еўра-2024
![Зборная Іспаніі выйграла Еўра-2024](/sites/default/files/styles/gallery_main/public/2024-07/ispan-1507.jpg.webp?itok=6ROdAFDO)
Зборная Іспаніі выйграла Еўра-2024 / x.com/UEFA
Чэмпіёнам Еўропы па футболе стала Іспанія! Пераможца галоўнага еўрапейскага турніра вызначыўся ў Берліне 14 ліпеня. Матч супраць Англіі скончыўся з лікам 2:1 на карысць іспанцаў.
Першая палова гульні не прынесла галоў, і толькі на 47-й хвіліне Іспанія адкрыла лік. Мяч забіў Ніка Уільямс з падачы цяпер ужо 17-гадовага Ламіна Ямаля. На 73-й хвіліне Англія забіла ў адказ: гол закаціў Коўл Палмер, які толькі выйшаў на замену.
А пад самую заслону, на 86-й хвіліне, Мікель Аярсабаль паставіў кропку ў матчы і ў чэмпіянаце.
Іспанія пабіла рэкорд Еўра — атрымала тытул чацвёрты раз. Іспанцы на гэтым турніры не прайгралі ніводнай гульні.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.