Заражаная чумным вірусам свініна не трапіць на перапрацоўчыя прадпрыемствы
Пра гэта заявіў галоўны дзяржаўны ветэрынарны інспектар Юрый Піваварчык.
Заява прагучала на анлайн-канферэнцыі "Афрыканская чума свінняў у Беларусі. Меры па ліквідацыі захворвання". Яна прайшла на сайце БЕЛТА.
Па словах эксперта, наладжаны кантроль на ўсіх узроўнях. У гэтую працу ўключаныя ветэрынарныя лекары ўсіх узроўняў, санітарна-эпідэміялагічная служба, аддзелы першаснага ветэрынарнага кантролю мясакамбінатаў ды іншыя. "Яны нічога не прапусцяць. Можна не турбавацца: небяспекі няма", — зазначае Піваварчык.
Патэнцыйна небяспечным ён бачыць тое, што самі беларусы пачнуць распаўсюджваць мяса з хатніх гаспадарак ад свіней, забітых без нагляду ветлекара.
Фота — walland.ru
