За ўдзел у пратэстах 2020-га затрымалі студэнта фізфака БДУ і яго маці
Пад рэпрэсіі трапляюць і студэнты (ілюстрацыйнае фота) / sb.by
За ўдзел у пратэстах 2020-га затрымалі студэнта фізфака БДУ. На відэа сілавікоў ён кажа, што быў падпісаны на "экстрэмісцкія" тг-каналы і пісаў "абразлівыя каментары пра міліцыянераў".
У 2020 годзе хлопец яшчэ быў непаўналетнім. Было прадэманстравана фота яго на адной з акцый з маленькай сястрой. Затрыманы сказаў, што яго зрабіла маці. Сілавікі пішуць, што яна "заахвочвала дэструктыўныя паводзіны сына".
Жанчыну затрымалі, супраць яе распачалі крымінальную справу. Абвінавачваюць не толькі ва ўдзеле ў акцыях пратэсту, але і ў напісанні "абразлівых каментароў", дасыланні здымкаў "экстрэмісцкім" тг-каналам, і закліках да ўкраінцаў пасля пачатку поўнамаштабнай расійскай агрэсіі ў 2022-м "нанесці ўдары па беларускіх аэрадромах".
Лёс малодшай дачкі "вырашаецца".
У апошнія гады БДУ перажывае "зачыстку". Яна скіраваная найперш на выкладчыкаў. Пад рэпрэсіі трапляюць і студэнты.
