За кратамі застаюцца двое фігурантаў "справы Прэс-клуба"
Двое фігурантаў "справы Прэс-клуба" не атрымалі памілаванне і застаюцца за кратамі.
Як паведамляла Еўрарадыё, былая супрацоўніца БТ Ксенія Луцкіна адмовілася пісаць прашэнне аб памілаванні. Пасля сыходу з БТ яна займалася стварэннем незалежнага тэлеканала.
Таксама за кратамі застаецца былы аператар БТ Дзяніс Сакалоўскі, піша "Наша Ніва". Ён пакінуў БТ пасля выбараў, бо быў нязгодны з палітыкай кампаніі.
Усіх фігурантаў "справы Прэс-клуба" вінавацілі ў нявыплаце падаткаў.
На волю сёння па памілаванні выйшлі Юлія і Пётр Слуцкія, Сяргей Альшэўскі і Ала Шарко. Яны былі затрыманыя 22 снежня 2020 года.
