За 100 гадоў еўрапейцы выраслі на 10 сантыметраў
Пра гэта сцвярджаюць навукоўцы з Вялікабрытаніі і Аўстраліі ў дакладзе, апублікаваным у часопісе Oxford Economic Papers.
На сённяшні дзень сярэдні рост 21-гадовага еўрапейца складае 1 метр 79 сантыметраў. Нашыя продкі, якія жылі на кантыненце больш за сотню гадоў таму, былі ніжэйшыя на 10 сантыметраў.
Людзі выраслі за кошт агульнага росту дабрабыту, паляпшэння жыллёвых умоваў і павышэння сярэдняга ўзроўня адукацыі.
У сваім даследаванні навукоўцы абапіраліся на медычныя і вайсковыя запісы пра рост еўрапейскіх мужчынаў. Аналагічных дадзеных пра жанчын няма, адзначае ВВС.
Фота — Fotoliaarsdigital
