З-за каранавіруса перанесены матч маладзёжнай зборнай Беларусі па футболе
![З-за каранавіруса перанесены матч маладзёжнай зборнай Беларусі па футболе](/sites/default/files/styles/gallery_main/public/2023-08/121574948_3471096806279302_4733839875628408404_o.jpg.webp?itok=_g1tdxkt)
З-за каранавіруса перанесены матч маладзёжных (U-21) футбольных зборных Беларусі і Нарвегіі (кваліфікацыя Еўра-2021). Ён мусіў прайсці 13 кастрычніка ў Драмене. У выязны склад зборнай Сяргей Яромка ўключыў 22 футбалістаў. Аднак, як паведамляе ў Facebook прэс-служба АБФФ, пад падазрэнне трапіў адзін з беларускіх гульцоў — у яго можа быць заражэнне каранавірусам. У выніку паядынак у аўторак не адбудзецца.
Адзначаецца, што "па выніку сённяшняга паўторнага тэсту на наяўнасць вірусу УЕФА прыме рашэнне аб правядзенні дадзенага матчу ў іншыя тэрміны".
Папярэдні матч маладзёжная зборная Беларусі 9 кастрычніка ў Жодзіне прайграла зборнай Кіпра — 1:2. Пасля сямі матчаў у беларусаў 8 ачкоў, каманда займае чацвёртае месца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.