З Днём Волі беларусаў павіншавалі Гітанас Наўседа і Борыс Джонсан
![Гітанас Наўседа і Борыс Джонсан, ілюстрацыйнае фота](/sites/default/files/styles/gallery_main/public/2024-03/dzansaniuk-2503.jpg.webp?itok=wLtfLl3-)
Гітанас Наўседа і Борыс Джонсан, ілюстрацыйнае фота / LRP / Karwai Tang
25 сакавіка з Днём Волі беларусаў віншуюць і замежныя палітыкі.
Экс-прэм'ер Вялікабрытаніі Борыс Джонсан у сваім акаўнце ў Х (былы Твітар) напісаў па-англійску: "У гэты Дзень Волі мае думкі з усімі тымі, хто нястомна змагаецца за незалежнасць і суверэнітэт Беларусі".
А потым дадаў па-беларуску: "Жыве Беларусь!"
Прэзідэнт Літвы Гітанас Наўседа ў сваім віншаванні заявіў, што гэты дзень з'яўляецца "днём разважанняў пра будучыню — еўрапейскую будучыню Беларусі, у якім усе беларусы будуць карыстацца ўсімі свабодамі і магчымасцямі, чаго яны заслугоўваюць", піша Delfi.
Па яго словах, Літва працягвае актыўна падтрымліваць беларускую грамадзянскую супольнасць і імкнецца дапамагаць таму, каб у міжнароднай супольнасці чулі галасы беларусаў. Наўседа заклікаў беларусаў заставацца моцнымі і згуртаванымі, працягваць змаганне за свабоду Беларусі і не даць выкарыстаць яе ў вайне супраць Украіны.
This Freedom Day, my thoughts are with all those tirelessly campaigning for independence and sovereignty in Belarus.
— Boris Johnson (@BorisJohnson) March 25, 2024
Жыве Беларусь!#StandWithBelarus https://t.co/aFCBHMfitc
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.