З часопіса "Мастацтва" звольнілі маці палітвязня Ягора Марціновіча
Журналістка і тэатральны крытык Таццяна Мушынская больш не працуе ў часопісе "Мастацтва", паведамляе Беларуская Рада культуры. Ёй прапанавалі напісаць заяву на звальненне па згодзе бакоў.
Мушынская — пісьменніца, аўтарка двух дзясяткаў кніг, лібрэтыстка. У 2013 годзе стала пераможцай Нацыянальнай тэатральнай прэміі ў намінацыі “Найлепшы журналіст (музычны крытык)”. У часопісе "Мастацтва" яна з 1991 года працавала рэдактаркай аддзела музыкі.
Акрамя таго, яна маці палітвязня Ягора Марціновіча — галоўнага рэдактара "Нашай Нівы".
Другі яе сын, Дзяніс Марціновіч, раней працаваў на TUT.by.
