Яшчэ адзін "Шахед" заляцеў у Беларусь пасля атакі на Украіну
!["Шахед" зноў заляцеў у Беларусь](/sites/default/files/styles/gallery_main/public/2024-07/shahed.jpg.webp?itok=TAt77cI7)
"Шахед" зноў заляцеў у Беларусь / Reuters
Паветраныя сілы УСУ паведамілі аб рабоце СПА падчас атакі ва Украіну ў ноч на 31 жніўня.
Да адбіцця паветранага нападзення прыцягваліся авіяцыя, зенітныя ракетныя войскі, падраздзяленні РЭБ і мабільныя агнявыя групы Паветраных сіл і Сіл абароны Украіны.
"У выніку супрацьпаветранага бою збіты 24 ударныя БПЛА Shahed-131/136, 25 — лакацыйна страчаны (упалі самастойна). Два беспілотнікі паляцелі ў напрамку Расіі, яшчэ адзін — у Рэспубліку Беларусь", — гаворыцца ў паведамленні.
Па дадзеных "Беларускага Гаюна", мінулай ноччу авіяцыя ВПС РБ не паднімалася, і што адбылося далей з "шахедам" — невядома.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.