Як свініна за 37 тысяч даражэе да 70 па дарозе ў краму

Кілаграм свініны без костак каштуе ў мінскіх крамах ад 60 тысяч. Але на мясакамбінаце оптам свініну можна набываць па 36 тысяч. Чаму ж яна даражэе амаль удвая па дарозе ў краму, разбіраемся.

Закупка на мясакамбінаце.

Набываць свініну для крамы сёння можна па 36 тысяч за кілаграм. Але ў краме тая ж самая свініна будзе каштаваць 69 тысяч. Амаль удвая больш!!!

"2 долары 40 цэнтаў гэта кошт свініны ў закупцы для нас. Але ёсць нормы расцэнкі, — тлумачыць кошт на свініну намеснік гендырэктара "Гіппо" Вадзім Грышкевіч. — З нацэнкай у 2-3% мы маем кошт на паліцах крамы ў 69-70 тысяч за кілаграм".

Атрымліваецца, свініна даражэе на 32 тысячы.

Рассяканне.

Барысаўскі мясакамбінат прапануе свініну оптам па 40 тысяч. Гэта без разсякання і падатку на дадатковую вартасць.

"У нас каштуе ў раёне 40 тысяч за кілаграм. З падаткам на дадатковую вартасць будзе 45 тысяч. А пасля рассякання ўжо 55 тысяч. Але рассяканнем мы самі не займаемся", — падлічваюць на Барысаўскім мясакамбінаце.

Яшчэ дадаем навар крамы і атрымліваюцца тыя ж 60-70 тысяч на прылаўку.

Фермерская гаспадарка пад Мінскам прадае свініну оптам без разрубу за 50 тысяч разам з падаткам на дадатковую вартасць. Але рассяканне зацягне на 15 тысяч за 1 кілаграм. У выніку рассечаная, але яшчэ не прывезеная ў краму свініна каштуе ўжо 65-70 тысяч.

Як у іншых.

У суседняй Варшаве мяса без косткі каштуе 45 тысяч за кілаграм. У Мінску па такіх коштах можна ўзяць хіба рэбры на Камароўцы.

"Польшча — другі пасля Даніі пастаўшчык мяса. Можа, таму ў іх такія кошты. Але мяне самога гэта здзіўляе", — аналізуе намеснік дырэктара крамы "Гіпа" Вадзім Грышкевіч.

Свініна каштавала 60 тысяч за кілаграм у сакавіку, падлічвае Белстат. Свініна без косткі — 98 тысяч.

Фота: Еўрарадыё, zoohoz.ru, ikirov.ru.