Вы тут

Вызвалілі Васіля Палякова і Сяргея Сыса

Сяргей Сыс / @viasna96

15 ліпеня стала вядома, што вызвалілі Васіля Палякова і Сяргея Сыса. Праваабаронцы трапілі пад "зачыстку" грамадзянскай супольнасці ў Беларусі.
 
Праваабаронца пазбаўленага рэгістрацыі ў Беларусі ПЦ "Вясна" і журналіст Сяргей Сыс быў затрыманы 14 ліпеня. Было вядома, што адбылося гэта ў межах крымінальнай справы. Сяргея Сыса прызналі палітвязнем. Яго вызвалілі ў чацвер пасля допыту пад падпіску аб нявыездзе, паведамляе тэлеграм-канал @viasna96.

Васіль Палякоў / racyja.com

Гомельскі палітык, грамадскі дзеяч, праваабаронца Васіль Палякоў быў затрыманы 8 ліпеня. Таксама ў межах крымінальнай справы (артыкул — "Акт тэрарызму"). Але абвінавачванні яму не выставілі. Пра выхад на волю Палякоў напісаў у Facebook.

"Артыкул абсалютна дзікі, распавядае Васіль Палякоў @gomeltoday. — Пыталіся пра людзей, якіх я ніколі не бачыў". Таксама ў яго цікавіліся дзейнасцю Каардынацыйнай рады.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.