У Гомелі затрымалі палітыка і грамадскага дзеяча Васіля Палякова
У Гомелі затрымалі палітыка і грамадскага дзеяча Васіля Палякова, паведамляе тэлеграм-канал @viasna96. У яго кватэры быў праведзены ператрус. Сілавікі забралі "сродкі сувязі і носьбіты інфармацыі".
Пра затрыманне Палякова праваабаронцам паведамілі яго сваякі.
Пасля прэзідэнцкіх выбараў Васіля Палякова неаднаразова затрымлівалі. 31 жніўня 2020-га яго схапілі як сябра мясцовай Каардынацыйнай рады.
Палякоў — гісторык, палітолаг. У палітыцы з 1990-х, былы старшыня апазіцыйнай Аб'яднанай грамадзянскай партыі.
