Беларускі баец муай-тай Віталь Гуркоў атрымаў другую запар перамогу на чэмпіянаце свету па тайскім боксе. Пра гэта ў сацсетках паведаміў Віталь Цішуроў.

У сустрэчы з украінскім ьаксёрам Станіславам Пержаноўскім беларус атрымаў датэрміновую перамогу: у першым жа раўндзе ён адправіў саперніка ў накаўт ударам у корпус.

Віталь Гуркоў звольнены з Мінспорту, яго могуць не адправіць на чэмпіянат свету

Нагадаем, выступленне Гуркова на спаборніцтвах было пад пытаннем. Віталь, які яшчэ спявае ў гурце Brutto, выйграў чэмпіянат Беларусі, але пасля высветлілася, што ў Міністэрства спорту нібыта няма грошай на паездку. Менш, чым за адзін дзень прыхільнікі спартсмена сабралі неабходныя 3 тысячы еўра. Пасля гэтага грошы знайшлі і чыноўнікі. У выніку сабраныя сродкі Гуркоў паабяцаў перадаць дзіцячаму дому.