Відэа, як футбольная зборная Венгрыі выйграла ў каманды Аўстрыі — 2:0
У аўторак, 14 чэрвеня, на "Еўра-2016" у Францыі футбольная зборная Венгрыі выйграла ў каманды Аўстрыі — 2:0. Першы гол на 62-й хвіліне забіў Адам Салаі, а на 87-й Золтан Шцібер, які выйшаў на замену, паставіў пераможную кропку.
Фаварытам у гэтым матчы лічыліся аўстрыйцы, аднак венгры выглядалі на полі значна лепш. Да таго ж з 66-й хвіліны зборная Аўстрыі гуляла ў меншасці — пасля другой жоўтай карткі быў выдалены абаронца Аляксандр Драгавіч.
Сёння ж на кантынентальным першынстве пройдзе матч Партугалія — Ісландыя. Жывая трансляцыя запланаваная на тэлеканале "Беларусь 1", пачатак у 21.55.
