Вецер, а ўночы — замаразкі. Прагноз надвор'я ў Беларусі на 31 кастрычніка

Восень у Беларусі / Еўрарадыё

У панядзелак, 31 кастрычніка ў Беларусі ўночы чакаюцца замаразкі, а ўдзень — парывісты вецер. Такі прагноз на апошні кастрычніцкі дзень 2022 года дае Рэспубліканскі цэнтр па гідраметэаралогіі, кантролі радыяактыўнага забруджвання і маніторынгу навакольнага асяроддзя Мінпрыроды.

31 кастрычніка надвор'е будзе цалкам восеньскім. На ўсёй тэрыторыі Беларусі чакаецца пераменная воблачнасць, але дзень пройдзе пераважна без ападкаў. Уночы і раніцай у асобных раёнах магчымы туман.

Тэмпература паветра ўночы складзе ад -1 да +4 градусаў. У паўднёва-заходніх раёнах краіны будзе цяплей — да +6. Удзень паветра прагрэецца ад сціплых +5 па паўночным усходзе да цалкам прыстойных +14 градусаў Цэльсія па паўднёвым захадзе.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.