Васіль Мацюшэўскі сышоў з банка "БелВЭБ"

Васіль Мацюшэўскі / Фота з сацсетак

Васіль Мацюшэўскі пакінуў пасаду кіраўніка банка "БелВЭБ". Пра гэта паведамляе адна з найстарэйшых беларускіх газет. Супрацоўнікі банка атрымалі ў аўторак на пошту развітальны ліст ад Мацюшэўскага.

Банкір піша, што заканчвае працу ў банку і "шчыра ўдзячны ўсім работнікам нашага дружнага калектыву за сумесную дзейнасць".

Прозвішча Мацюшэўскага знікла і з сайта фінансавай установы. Там гаворыцца, што абавязкі кіраўніка праўлення цяпер выконвае Тарас Надольны.

Журналістам пакуль не ўдалося высветліць, хто быў ініцыятарам змены кіраўніцтва ў банку і ці сышоў Мацюшэўскі на сваё жаданне.

Нагадаем, у канцы сакавіка сілавікі затрымалі ўсё кіраўніцтва банка — восем чалавек. Сярод затрыманых былі і сам Мацюшэўскі, і яго першы намеснік Тарас Надольны, намеснікі Анатоль Барысевіч, Віктар Перапяліца і Дзмітрый Ляўданскі, чалец праўлення Анатоль Паўловіч і дырэктар па развіцці банка Аляксей Мазжухін.

Прычына затрымання так і засталася невядомая, афіцыйных каментароў на гэтую тэму дасюль няма. Аднак пазней Мацюшэўскага вызвалілі. Крыніцы найстарэйшай беларускай газеты тады казалі, што яго адпусцілі "аператыўна знайсці сродкі для "кампенсацыі шкоды".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.