Украінцы збілі большасць дронаў, запушчаных расіянамі ўначы
![Збіты баявы беспілотнік / facebook.com/OperationalCommandSouth](/sites/default/files/styles/gallery_main/public/2023-08/1683171206-4877.jpg.webp?itok=U6OZUfnB)
Збіты баявы беспілотнік / facebook.com/OperationalCommandSouth
Украінцы збілі большасць дронаў, запушчаных расіянамі ўначы 4 траўня. Яны атакавалі паўночныя, цэнтральныя і паўднёвыя вобласці Украіны. Агулам было 24 дроны-камікадзэ. 18 з іх удалося знішчыць.
15 "шахедаў" атакавалі Адэсу. Збіць удалося 12. Астатнія трапілі ў інтэрнат (па неафіцыйнай інфармацыі, ён належыць Вайсковай акадэміі). Сцвярджаецца, што ахвяр няма. Усе дроны і ракеты, запушчаныя па Кіеве, былі знішчаныя.
Надпісы на беспілотніках сведчаць, што гэта была "помста" за атаку на Крэмль.
"Шахеды" запускаліся з Бранскай вобласці і ўсходняга ўзбярэжжа Азоўскага мора.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.