У журналісткі "па справе БелТА" забралі ўсе дакументы і правы
![У журналистки "по делу БелТА" забрали все документы и права](/sites/default/files/styles/gallery_main/public/2023-08/1533881135_62bbce06-f264-4eed-9918-2ce243398e8c_cx0_cy10_cw0_w1023_r1_s-11bf35ae1412e80047139f385651321c42d2ef66.jpg.webp?itok=Nb4m2iDP)
У журналісткі БелаПАН Таццяны Каравянковай забралі ўсе дакументы: пашпарт, дакументы на аўтамабіль, правы кіроўцы і нават пропуск на падземную паркоўку. Яна не можа аднавіць сім-картку, якую таксама забралі разам з тэлефонам і іншай тэхнікай. Пра гэта паведаміла сама Таццяна па дарозе на допыт у Следчы камітэт Беларусі.
Яна, як і яшчэ некалькі журналістаў, была затрыманая па "справе БелТА". Увечары 9 жніўня практычна ўсіх затрыманых выпусцілі з ізалятара. Цяпер у ІЧУ знаходзяцца двое: галоўны рэдактар БелаПАН Ірына Леўшына і карэспандэнт Deutsche Welle Паўлюк Быкоўскі.